Azərbaycan Amerika Alyansı Ağ ev və konqresmenlər üçün nahar verib
Qala nahar
Azərbaycan Amerika Alyansı Ağ ev və konqresmenlər üçün nahar verib
-
Noyabrın 14-də Azərbaycan Amerika Alyansı Vaşinqtonda təxminən 700 qonaq üçün qala nahar təşkil edib. Qonaqlar Obama Administrasiyasını, Konqresi, diplomatik korpusu, beyin mərkəzləri və akademik icmaları təmsil ediblər.
Azərbaycan Amerika Alyansı ABŞ-da yaradılmış qeyri-kommersiya təşkilatıdır, Qurumun məqsədinin Azərbaycan xalqının mədəniyyəti, sənayesi, xalqı barədə informasiya yaymaq olduğu bildirilir.
Alyansa Azərbaycanın Nəqliyyat naziri Ziya Məmmədovun oğlu Anar Məmmədov başçılıq edir.
«Vaşinqtonda bakılı dostlarla bir gecə» devizi ilə keçirilən nahara fəxri rəhbərliyi səfir Elin Süleymanov edib. Naharda qonaqlara Azərbaycan musiqisi və rəqsi, eləcə də Azərbaycan xörəkləri təqdim olunub.
Gecənin menyusu
GECƏNİN MENYUSU
Respublikaçı Dan Burton tədbirdə çıxış edib. O, Konqresdəki həmkarlarını və nahar iştirakçılarını Bakıya səfər etməyə və Azərbaycanı tanımağa çağırıb.
«Bu axşam musiqi, yemək və mədəni mübadilənin yer kürəsində iki xalq arasında hansı dostluq, qarşılıqlı hörmət və anlaşma körpüləri yaratmasına fantastik nümunədir», - Azərbaycan Amerika Alyansının yaradıcısı Anar Məmmədov deyib.
Fotoqalereya
«Vaşinqtonda bakılı dostlarla gecə» adlı qala konsert
Noyabrın 14-də ABŞ paytaxtında yerləşən Ronald Reyqan adına Beynəlxalq Ticarət Mərkəzində Azərbaycan Amerika Alyansının «Vaşinqtonda bakılı dostlarla gecə» adlı qala konserti və ziyafəti keçirilib. Tədbirə ABŞ Konqresinin hazırkı və keçmiş üzvləri, Vaşinqtonda diplomatik missiyaların nümayəndələri, Azərbaycan və türk icmasının üzvləri də daxil olmaqla 700-ə yaxın qonaq qatılıb.
